Karihwakè:ron Tim Thompson, rohskaré:wake, Kanien’kehá:ke nihaonhontsò:ten, tánon’ Wáhta nithawé:non, kwah ro’nikonhrahní:non ahoió’ten’ ne Onkwehón:we tánon’ tsi ionterihwaienhstáhkwa niiorihò:tens. É:so wahoió’ten’ ahatirihwahserón:ni’ tánon’ ahonhténtia’te’ ne Aboriginal Post-Secondary Education tánon’ Training Strategy, Manifesto on First Nations Education, tánon’ tsi wahatiihthá:rahkwe ne Kakorahserahró:non ne Onkwehón:we raotihwísta tánon’ raononhóntsa aorihwà:ke. Ne ó:ni, é:so wahoió’ten’ tsi wahatirihwahserón:ni’ ne secondary Onkwehón:we courses ne Ontario nón:we. Tóhkara niiohserá:ke nikarì:wes ohén:ton rá:tahkwe ne shakotirihonnién:nis aorihwà:ke ne Assemble of First Nations. Ó:nen kwah è:neken tsi nón:we roio’tén:’en ne thia’tekentióhkwake’ kwah né: ne Ontario Federation of Indian Friendship Centres, Aboriginal Institutes Consortium, First Nations Technical Institute, tánon’ Enaahtig Healing Lodge and Learning Centre. Rora’sè:se ne Karihwakè:ron ase’kén Onkwawén:na Kentyóhkwa, né: ne shakoterihonnién:nis ne Kanien’kéha, wahateweienhstà:na’, tánon’ é:so rarihwáia’ks Onkwehón:we aonsahonnóhnhete’ ne raonahronkhà:tshera. Ón:wa wenhniseraténion ohén:ton í:rate ne Hiawatha Institute for Indigenous Knowledge tánon’ raià:tare ne Wáhta Community Trust. Shé:kon shakorihwawà:se ne Onkwehón:we kentyohkwa’shón:’a tánon’ shakorihonnién:nis Onkwehón:we raotirihwà:ke.