ᐊᑐᐃᓐᓇᕈᕐᑎᓂᐅᑉ ᖃᓄᐃᓂᖓᐅᓯᖏᑦ

1. ᓱᓇᓃᒃ ᐃᓕᓐᓂᐊᑎ ᖃᐅᔨᒪᔭᖃᑦᓴᐅᑎᒋᕙ ᐃᓄᐃᑐᐃᓐᓀᑦ ᐱᓪᓗᒋᑦ ᑲᓇᑕᒥ ᖃᐅᔨᒪᔭᖃᕐᑐᕆᕙᓘᓐᓃᑦ?
2. ᐃᓕᓐᓂᐊᑏᑦ ᖃᐅᔨᒪᓂᖓ ᐱᕙᓪᓕᑎᓗᒍ ᒥᐊᔨ ᓭᒪᓐ ᓄᐃᑎᓯᒪᔭᖓ ᕿᒥᕐᕈᓂᕐᒥᒍᑦ ᐅᖃᓕᒪᒍᑎᖃᖃᑦᑕᓂᕐᒥᒍᓪᓗ ᐅᑯᓂᖓ ᐃᓚᖏᓐᓂᒃ ᑕᕐᕋᓕᔮᒉᑦ. ᐃᓕᓐᓂᐊᑏᑦ ᕿᒥᕐᕈᓕᕈᑎᒃ ᑕᕐᕋᓕᔮᒐᕐᒥᒃ (ᓂᒃ), ᐃᑉᐱᒍᓱᒐᓱᐊᖁᓗᒋᑦ ᐊᑕᐅᓯᕐᒥᒃ ᐅᖓᑖᓄᓪᓘᓃᑦ ᐊᐱᕆᐅᑎᐅᔪᓂᒃ ᐅᑯᐊ ᓇᓪᓕᖏᓐᓂᒃ:
   1. ᓱᓇᓂᒍᓈ ᐊᑦᓱᕈᕐᓇᑐᓂᒃ ᒥᐊᔨ ᓭᒪᓐ ᐅᖄᔪᖅ?
   2. ᖃᓄᕈᓈ ᑕᐅᑐᒍᓯᓕᒃ ᐃᓄᑐᐃᓐᓀᑦ ᐃᓕᓐᓂᐊᑏᑦ ᐃᓕᓐᓂᐊᓯᒪᒋᐊᖃᕐᓂᖓᓂᒃ?
   3. ᖃᓄᕈᓈ ᑕᐅᑐᒍᓯᓕᒃ ᐅᑭᐅᕐᑕᑑᑉ ᒪᑭᑕᒍᑎᖏᓐᓂᒃ ᐊᐅᓚᑦᓯᔨᐅᓂᕐᒧᑦ?
   4. ᖃᓄᕈᓈ ᑕᐅᑐᒍᓯᓕᒃ ᑭᓇᐅᓂᖅ ᐱᓪᓗᒍ ᐱᕐᖁᓯᑎᒍᑦ?

ᐱᖕᖑᐊᖑᖕᖏᑐᒥᒃ (ᐊᕗᖓᐅᓕᒋᐊᕐᓯᒪᑦᓴᒪᕆᑦᓱᓂ) ᐊᐱᕆᔭᐅᓂᖓ: ᒥᐊᔨ ᓭᒪᓐ ᐊᐱᕆᔭᐅᑦᓱᓂ George Strombolopolousᒧᑦ. ᐊᐱᕆᓂᑦᓯᐊᓚᕆᐅᑦᓱᓂ ᓄᐃᑦᓯᓱᓂ ᐃᓄᑐᐃᓐᓀᑦ ᖃᓄᐃᑦᑐᓗᑑᓂᖏᓐᓂᒃ, ᐊᑦᓱᕈᕈᑎᖏᓐᓂᒃ, ᐋᕐᕿᕈᑎᒋᓲᖏᓐᓂᒃ, ᐊᒻᒪᓗ ᐱᕐᖁᓯᖓᓂᒃ.
https://www.youtube.com/watch?v=PcBullKh9Is

ᒥᐊᔨ ᓭᒪᓐ ᐱᑕ ᒫᓐᐳᕆᔾᓗ ᐱᓪᓗᒍ ᐃᓄᑐᐃᓐᓀᑦ ᐃᓕᓐᓂᐊᓯᒪᒋᐊᖃᕐᓂᖓ. ᐅᖃᓕᒪᒍᑎᖃᕐᓂᖏᒃ ᒥᐊᔨ ᓭᒪᓐ ᐱᑕ ᒫᓐᐳᕆᔾᓗ ᐱᓪᓗᒍ ᐃᓄᑐᐃᓐᓀᑦ ᐃᓕᓐᓂᐊᓯᒪᒋᐊᖃᕐᓂᖓ ᐅᖃᓕᒪᔭᐅᖃᑕᐅᓚᐅᔪᖕᖏᑐᖅ ᑕᑯᓐᓇᑕᐅᑎᓪᓗᒍ ᐱᑕ ᒫᓐᐳᕆᔾ ᑕᑯᑦᓴᐅᕕᖓᓂ ᐁᑉᐸᑐᐊᖃᕐᓱᓂ ᐊᐱᕐᓱᑕᒥᓂᒃ.
https://www.youtube.com/watch?v=2oKwsbH9sqM

ᐃᓄᐃᑦ ᑕᐱᕇᑦ ᑲᓇᑕᒥ ᐊᖓᔪᕐᖄᖔᑕ ᒥᐊᔨ ᓭᒪᓐ ᐅᐸᐅᑎᓯᒪᓂᖓ ᐅᖃᕐᕕᒪᕆᖓᓄᑦ ᑲᕙᒪᐅᑉ. ᒥᐊᔨ ᓭᒪᓐ ᑭᐅᑦᔪᑎᖏᑦ ᑲᓇᑕᐅᑉ ᑲᕙᒪᖓᓐᓂᒃ ᑲᓇᑕᐅᑉ ᑲᕙᒪᖓ ᐅᒃᒍᐊᕕᖃᕐᑎᓗᒍ ᐊᖏᕐᕋᓕᐊᖑᓯᒪᑦᓱᑎᒃ ᐃᓕᓐᓂᐊᕕᓐᓂ ᐃᓕᓐᓂᐊᑎᐅᓯᒪᔪᓂᒃ.
https://www.youtube.com/watch?v=wgOfCD7aCxM&feature=youtu.be

ᒥᐊᔨ ᓭᒪᓐ CTV ᐊᐱᕐᓱᓇᕐᓯᐅᕕᖓᒍᑦ ᐊᐱᕆᔭᐅᔪᖅ ᐊᐅᒃᒍᓯ 5, 2007. ᑕᒃᒐᓂ ᐃᓚᖓᓂ ᐅᖃᓕᒪᒍᑎᓕᒃ ᐅᑭᐅᕐᑕᑑᑉ ᒪᑭᑕᒍᑎᖏᓐᓂᒃ ᐊᐅᓚᑦᓯᔨᐅᓂᕐᒧᑦ ᐱᑦᔪᑕᐅᒍᑎᓂᒃ ᐊᒻᒪᓗ ᑐᑭᓯᒪᔭᖓᒍᓪᓕ ᐃᓱᐊᕐᓂᐸᐅᒋᐊᖓ ᐱᖃᕐᓂᐊᕈᓂ ᐅᑭᐅᕐᑕᑑᑉ ᒪᑭᑕᒍᑎᖏᓐᓂᒃ ᐊᐅᓚᑦᓯᔨᐅᓂᕐᒧᑦ ᐃᓄᖁᑎᖃᕆᐊᓕᒃ, ᐊᒻᒪᓗ ᐃᓄᐃᑦ ᐃᓅᕕᓖᑦ ᐅᑭᐅᕐᑕᑐᒥᒃ ᐃᓄᑐᐃᓐᓇᐅᓱᑎᒃ.
https://www.youtube.com/watch?v=Mtu-oZ2ZCtv

ᓱᒐᓱᐊᕈᑎ I

ᐃᓄᑐᐃᓐᓀᑦ ᐊᑑᑎᓯᒪᓕᕐᑐᑦ ᐊᓯᑦᔨᒪᕆᓐᓂᔪᐊᒥᒃ ᐃᓅᒍᓯᕐᒥᒍᑦ ᐊᕙᑎ ᑕᓪᓕᒪᓂ ᐊᕐᕌᒍᓂ ᐊᓂᒍᕐᑐᓂ ᑭᓯᑦᓴᐅᖏᑦᑐᓂᒃ ᐊᑦᓱᕈᕈᑎᖃᒻᒪᕆᑦᓯᒪᓕᕐᑐᑦ.

1. ᐃᓕᓐᓂᐊᑏᑦ ᐊᕕᑦᑐᓗᒋᑦ ᐱᖓᓲᔪᕐᑐᐃᖑᓯᑎᓪᓗᒋᑦ ᐊᒻᒪᓗ ᐊᑐᓂ ᐊᕕᑦᑐᓯᒪᔪᑦ ᖃᐅᔨᓴᕐᓗᑎᒃ ᐅᑯᐊ ᐱᖓᓲᔪᕐᑐᑦ ᐊᓯᑦᔨᕈᑎᐅᓯᒪᓕᕐᑐᑦ ᐱᓪᓗᒋᑦ, ᑭᓯᐊᒐᕆᓗᒋᑦ:
   1. ᓱᕐᕋᑕᐅᒍᑎᒋᓯᒪᔭᖏᑦ ᐃᓄᑐᐃᓐᓀᑦ
   2. ᐃᒣᑦᑑᓂᕋᕐᑕᐅᓃᑦ ᐊᓯᒋᔭᒧᑦ ᐊᑐᑎᓚᕿᓯᒪᔭᖏᓪᓗ ᐃᓄᑐᐃᓐᓀᑦ
   3. ᖃᓄᖅ ᑖᒃᑯᐊ ᐊᓯᑦᔨᓯᒪᓕᕐᑐᑦ ᓱᕐᕇᓯᒪᒻᒪᖔᑕ ᐃᓄᑐᐃᓐᓀᑦ ᐱᒍᓐᓇᐅᑎᖏᓐᓂᒃ, ᐊᑐᕐᓗᑎᒃ ᐱᖁᔭᓅᓕᖓᔪᓂᒃ ᑕᒃᒐᓂ ᐊᕕᑦᑐᓯᒪᖓᓂ ᐃᓕᓐᓂᐊᕈᑎᐅᑉ ᐸᕐᓇᑕᐅᓯᒪᐅᑎᖓᑕ.
2. ᐊᑐᓂ ᐊᕕᑦᑐᓯᒪᑦᓱᑎᒃ ᖃᐅᔨᒐᓱᐊᕐᑐᕕᓃᑦ ᐅᖄᓯᒻᒥᓗᑎᒃ ᖃᐅᔨᔭᕕᓂᕐᒥᓂᒃ ᐃᓕᓐᓂᐊᑎᐅᖃᑎᒌᑦ ᐅᖄᓐᓇᓯᐅᓕᕈᑎᒃ ᖃᕆᐊᒥᓂ.

ᐱᒋᐊᓪᓚᕕᖃᕐᑎᑕᐅᒐᓂ ᐊᐅᓪᓛᑎᑕᐅᓂᖅ

ᐱᐅᓯᕆᑦᓱᒍ ᐃᓄᑐᐃᓐᓀᑦ ᑕᒃᒐᓂᑦᓭᓈᓲᖑᓐᓂᖏᑦᑐᑦ ᐊᒻᒪᓗ ᓅᑉᐸᓱᑎᒃ ᓯᓚ ᒪᓕᑦᓱᒍ ᓄᓇᑐᖃᕐᒥᓂ. ᑌᒪᖕᖓᓂᑦ ᐊᕐᕌᒍᖏᑦ 1050 ᐊᑐᓯᓚᐅᕐᓯᒪᒻᒪᑕᓂᑦ ᐃᓄᑐᐃᓐᓀᑦ ᑲᓇᑕᐅᑉ ᑕᕐᕋᖓᓂ ᐱᒋᐊᓪᓚᕕᖃᕐᑎᑕᐅᒐᑎᒃ ᓄᓇᑖᕐᑎᑕᐅᖃᑦᑕᓯᒪᓕᕐᑐᑦ ᐃᓕᒌᓐᓇᓂᐊᓕᕐᑕᒥᓂ.

ᓄᓇᕐᔪᐊᓕᒫᒥ ᓯᓚᐅᑉ ᐊᓯᑦᔨᓯᒪᓕᕐᓂᖓ

ᓄᓇᕐᔪᐊᓕᒫᒥ ᓯᓚᐅᑉ ᐊᓯᑦᔨᓯᒪᓕᕐᓂᖓ ᐱᑦᔪᑕᐅᑎᓪᓗᒍ ᖃᐅᔨᒪᓇᑦᓯᐊᖃᔭᕈᓐᓀᐸᓪᓕᐊᑐᐃᓐᓇᑐᖅ ᖃᓄᐃᑦᑑᓂᐊᓕᕐᒥᒪᖔᑦ ᓯᓚ. ᑕᒪᓐᓇ ᐱᖕᖑᐊᖑᖕᖏᓚᕆᑦᑐᒥᒃ ᓱᕐᕇᓯᒪᓪᓚᕆᑦᑐᖅ ᐃᓄᑐᐃᓐᓇᓂᒃ.

ᐊᓯᑦᔨᓯᒪᐅᑎᒋᓕᕐᑕᖏᑦ ᐃᓅᒍᓰᑦ

ᐊᓯᑦᔨᓯᒪᐅᑎᒋᓕᕐᑕᖏᑦ ᐃᓄᑐᐃᓐᓀᑦ ᐃᓅᒍᓯᖏᑦᑕ ᐱᐅᖕᖏᑐᒥᒃ ᓱᕐᕇᓯᒪᓕᕐᑐᑦ ᐃᓄᑐᐃᓐᓀᑦ ᖃᓄᐃᖕᖏᓯᐊᕐᓂᕆᒋᐊᓕᖏᑎᒍᑦ, ᑎᒥᒥᒍᑦ ᐃᓱᒪᒥᒍᓪᓗ.

ᐊᖏᕐᕋᓕᐊᖑᓯᒪᑦᓱᑎᓪᓘᑐᑦ ᐃᓕᓐᓂᐊᕖᑦ ᐃᓕᓐᓂᐊᓯᒪᓂᐅᒋᐊᓕᓪᓗ

ᐃᓄᑐᐃᓐᓀᑦ ᐃᓅᓯᒪᓕᕐᑐᑦ ᐊᑑᑎᓯᒪᓕᕐᑐᑦ ᐊᖏᕐᕋᓕᐊᖑᓯᒪᑦᓱᑎᓪᓘᑐᓂᒃ ᐃᓕᓐᓂᐊᕕᓐᓂᒃ, ᐊᒥᓱᐊᓗᐃᓪᓗ ᐅᑉᐱᕆᔭᖃᕈᓐᓀᓯᒪᕗᑦ ᑕᒣᓐᓂᒃ ᐃᓕᓐᓂᐊᕕᓐᓂᒃ ᐃᓕᓐᓂᐊᓯᒪᓂᐅᒋᐊᓕᒻᒥᓗ, ᐱᓗᐊᖕᖑᐊᑐᒥᒃ ᐊᐅᓚᑦᓯᒍᓯᖅ ᐊᑐᕐᑕᐅᑎᓪᓗᒍ ᐱᓯᒪᑐᐊᕐᒪᑦ ‘’ ᖃᓪᓗᓈᑦ ᓄᓇᖓᓐᓂᑦ ᑲᓇᑕᒥᑦ’’ ᐃᓅᒍᓯᖏᑦ ᐊᑦᔨᐅᖏᓪᓚᕆᑦᑐᓂᑦ.

ᑭᓯᑦᓯᒍᓯᕐᑐᑕᐅᓂᖅ ᐃᓕᖓᔪᒥᒃ ᐱᑦᔪᑕᐅᓂᖓᓄᑦ ᓇᓗᓀᒃᑯᑕᖃᕆᐊᖃᕐᓂᐅᑉ

ᐃᓄᑐᐃᓐᓀᑦ ᐃᒻᒥᒍᑦ ᓇᓗᓀᕐᓯᒍᓯᖃᕐᓯᒪᕗᑦ ᐃᓚᒥᓂᒃ ᐊᑦᓯᑐᐃᓂᕐᒥᒍᓪᓗ ᕿᑐᕐᖓᒥᓂᒃ. 1940 ᐊᕐᕌᒍᖏᑦ ᐊᑐᓕᕐᑎᓗᒋᑦ ᑲᓇᑕᐅᑉ ᑲᕙᒪᖓ ᓄᐃᑦᓯᓕᕐᑐᕕᓂᖅ ᑭᓯᑦᓯᒍᓯᕐᑐᐃᒍᓯᕐᒥᒃ ᓇᓗᓀᒃᑯᑕᓕᐅᕈᓯᒋᑦᓱᒍ ᐃᓄᑐᐃᓐᓇᓂᒃ ᐃᓄᓐᓂᒃ ᐱᑦᔪᑎᖃᕐᓱᑎᒃ ᐱᑕᖃᕆᐊᖃᕐᓂᒥᓄᑦ ᐊᒃᓚᓯᒪᐅᑎᓂᒃ ᓲᓱᑦᓴᑐᐊᓪᓕᒍᑎᒋᓇᒍ ᐊᑎᓪᓚᕆᖏᓐᓂᒃ.

ᑐᖁᕋᕐᔪᐊᑕᐅᓂᖏᑦ ᐊᐅᓚᒍᑎᖏᑦᑕ ᕿᖕᒥᖏᑦᑕ ᕿᒧᑦᓯᐅᑏᑦ

1950 ᐊᒻᒪᓗ 1960 ᐊᕐᕌᒍᖏᓐᓂ ᓇᓂᓕᒫᑦᓯᐊᖅ ᑐᖁᕋᕐᔪᐊᑕᐅᓚᐅᕐᓯᒪᔪᑦ ᐃᓄᑐᐃᓐᓀᑦ ᐃᓄᐃᑦ ᕿᒧᑦᓯᑯᑦ ᐊᐅᓚᒍᑎᖏᑦᑕ, ᑲᕙᒪᓄᑦ ᑭᒃᒐᑐᕐᑎᖏᓐᓄᓘᓐᓃᑦ, ᑕᒪᓐᓇ ᓱᕋᕐᑎᓯᓯᒪᓪᓚᕆᑦᑐᖅ ᐃᓄᑐᐃᓐᓀᑦ ᐃᓅᒍᓯᖓᓂᒃ.

ᓱᒐᓱᐊᕈᑎ II

ᐃᓕᓐᓂᐊᓯᒪᓂᖓ ᐃᓄᑐᐃᓐᓀᑦ ᐃᓄᐃᑦ

ᐃᓄᑐᐃᓐᓀᑦ ᓇᓗᓀᕐᓯᓯᒪᔪᑦ ᑭᖕᖒᒪᓇᕐᑐᓂᒃ ᐃᓕᖓᔪᓂᒃ ᐊᑑᑎᒍᓐᓇᓱᑎᒃ, ᐱᐅᔫᑦᓱᑎᒃ, ᐱᑕᙯᓐᓇᕈᓐᓇᓱᑎᒃ ᓄᓇᓕᓐᓂ. 56% ᖑᒻᒪᑕ ᐃᓄᑐᐃᓐᓀᑦ ᐅᑭᐅᓖᑦ ᐃᑭᓐᓂᓴᓂᒃ ᐊᕙᑎᓪᓗ ᑕᓪᓕᒪᓪᓗᓂᒃ (25), ᐃᓕᓐᓂᐊᓯᒪᒋᐊᖃᕐᓂᖅ ᓯᕗᓪᓕᐸᐅᑦᔭᐅᔪᑦᓴᐅᕗᖅ. ᑲᓇᑕᒥ ᐃᓂᓪᓓᓯᒪᐅᑎ ᐱᓪᓗᒍ ᐃᓄᑐᐃᓐᓀᑦ ᐃᓕᓐᓂᐊᓯᒪᒋᐊᖃᕐᓂᖓ, ᓯᕗᓕᕐᑕᐅᓱᓂ ᒥᐊᔨ ᓭᒪᓐᒧᑦ, ᐊᒃᓚᖑᕐᑎᑕᐅᑦᓱᓂ ᑲᓇᑕᒥᐅᕐᖄᑦ ᕿᒥᕐᕈᐊᒐᓕᐅᕐᑎᖏᓐᓄᑦ (First Canadians, Canadians First): ᑲᓇᑕᒥ ᐃᓂᓪᓓᓯᒪᐅᑎ ᐱᓪᓗᒍ ᐃᓄᑐᐃᓐᓀᑦ ᐃᓕᓐᓂᐊᓯᒪᒋᐊᖃᕐᓂᖓ (ᐱᑐᑦᓯᒪᔪᖅ), ᐱᒋᐊᖕᖓᓂᓪᓚᕆᐅᕗᖅ ᐱᕙᓪᓕᑎᑦᓯᓂᕐᒧᑦ ᓯᕗᓂᕐᒥ ᐃᓄᑐᐃᓐᓀᑦ ᐃᓕᓐᓂᐊᓯᒪᓂᕐᒥᒍᑦ ᓄᐃᑎᓐᓂᐊᑕᖏᓐᓂᒃ.ᓯᑯᑦᓴᔭᖁᑎ ᐊᒃᓚᓯᒪᔪᕐᑕᓕᒃ ᐱᖓᓱᓂᒃ ᑐᕌᒐᕐᓂᒃ ᐃᒪᖃᕆᐊᓕᓐᓂᒃ 10ᓂᒃ ᐱᕙᓪᓕᕆᐊᕈᑎᑦᓴᓂᒃ ᑮᓇᐅᔭᑎᒍᑦ ᐱᕙᓪᓕᑎᑦᓯᒍᑎᒋᓂᐊᕐᓗᒋᑦ ᐃᓄᑐᐃᓐᓀᑦ ᐃᓕᓐᓂᐊᓯᒪᓂᕐᒥᒍᑦ ᓄᐃᖃᑦᑕᓂᐊᕐᑕᖏᓐᓂᒃ.

ᐱᖓᓱᑦ ᑐᕌᒉᑦ ᐱᕙᓪᓕᑎᑦᓯᒍᑎᐅᓂᐊᕐᓗᑎᒃ ᐃᓄᑐᐃᓐᓀᑦ ᐃᓕᓐᓂᐊᓯᒪᓂᕐᒥᒍᑦ ᓄᐃᖃᑦᑕᓂᐊᕐᑕᖏᓐᓂᒃ:

1. ᓴᐳᒻᒥᒍᑎᑦᓴᓂᒃ ᐊᑐᐃᓐᓇᖃᕐᓗᓂ ᕿᑐᕐᖓᐅᔪᓂᒃ ᐃᑲᔪᕈᑎᒋᓗᒋᑦ ᐃᓕᓐᓂᐊᕈᓐᓀᑐᐃᓐᓇᑎᑦᓯᑌᓕᓂᕐᒧᑦ.
2. ᐃᓕᓐᓂᐊᕈᑏᑦ ᒪᕐᕈᐃᓂᒃ ᐅᖃᐅᓯᖃᕐᓗᑎᑦ ᐊᒃᓚᓯᒪᔪᓕᕆᒍᓐᓇᓯᒍᑎᒋᓗᒋᑦ ᐃᓄᑐᐃᓐᓇᑎᑐᑦ ᐅᖃᐅᓯᖅ ᐊᑐᕐᓗᒍ ᐊᒻᒪᓗ ᐃᓚᖓ ᐊᑕᐅᓯᖅ ᓇᓪᓕᑐᐃᓐᓇᖏᑦᑕ ᑲᓇᑕᒥ ᐅᖃᐅᓯᐅᓂᕋᕐᑕᐅᔫᒃ,ᐱᕕᑦᓴᐅᒍᓐᓇᑐᓂᓪᓗ ᐃᓕᑦᓯᓗᑎᒃ ᐃᓕᖓᑦᓯᐊᑐᓂᒃ ᐃᓄᑐᐃᓐᓀᑦ ᐱᕐᖁᓯᖏᓐᓄᑦ, ᐊᑑᑎᓯᒪᔭᖏᓐᓄᑦ ᑕᑯᓐᓇᑕᐅᒍᓯᖏᓐᓄᓗ ᓄᓇᕐᔪᐊᒥᐅᓄᑦ.
3. ᐅᓄᕐᓯᕙᓪᓕᐊᑎᓪᓗᒋᑦ ᐃᓕᓐᓂᐊᓯᒪᒋᐊᖃᕐᓂᒥᒃ ᓯᕗᓕᕐᑐᑦ ᐊᒻᒪᓗ ᐊᑕᐅᓯᐅᖕᖏᑐᒥᒃ ᐅᖃᐅᓯᓖᑦ ᐃᓕᓐᓂᐊᑎᑦᓯᔩᑦ ᐃᓄᑐᐃᓐᓀᑦ ᐃᓕᓐᓂᐊᕕᖏᓐᓂ ᐊᒻᒪᓗ ᐱᐊᕋᐅᕉᑕᕆᖏᓐᓇᑎᓪᓗᒋᑦ ᐃᓕᓐᓂᐊᑎᓯᒪᑦᓴᐅᑎᒋᒋᐊᖃᕐᓂᖓᓄᑦ ᐃᖏᕐᕋᑎᑕᐅᔪᑦ ᐊᑐᕐᓗᒋᑦ.

10 ᓂᒃ ᐱᕙᓪᓕᕆᐊᕈᑎᑦᓴᓂᒃ ᑮᓇᐅᔭᑎᒍᑦ ᐱᑕᖃᕆᐊᓕᒃ ᐱᔭᕆᔭᐅᓚᖓᑉᐸᑕ ᐱᖓᓱᑦ ᑐᕌᒐᕆᔭᐅᔪᑦ:

1. ᐃᓚᐅᒍᒪᓕᕐᑎᓯᓂᖅ ᐊᖓᔪᕐᖄᕆᔭᐅᔪᓂᒃ.
2. ᐱᕙᓪᓕᐊᑎᑦᓯᓗᓂ ᓯᕗᓕᕐᑎᓂᒃ ᐃᓄᑐᐃᓐᓀᑦ ᐃᓕᓐᓂᐊᓯᒪᒋᐊᖃᕐᓂᖓ ᐱᓪᓗᒍ.
3. ᐊᒥᓱᖕᖑᕙᓪᓕᐊᑎᓪᓗᒋᑦ ᐊᑕᐅᓯᑐᐃᓐᓇᐅᖏᑦᑐᒥᒃ ᐅᖃᐅᓯᓖᑦ ᐃᓕᓐᓂᐊᑎᑦᓯᔩᑦ ᐊᒻᒪᓗ ᐃᖏᕐᕋᑎᑦᓯᒍᑕᐅᔪᑦ ᑕᒪᑦᓱᒧᖓ ᐃᓕᖓᔪᓂᒃ.
4. ᑮᓇᐅᔭᓂᒃ ᓄᖃᑦᓯᓯᒪᑦᓴᐅᑎᒋᓂᖅ ᐊᕐᕌᒍᐃᑦ ᐱᒋᐊᕐᖃᒥᐅᓂᖏᓐᓂᓂᑦ.
5. ᓱᖕᖑᓯᑎᓗᒋᑦ ᐃᓕᓐᓂᐊᕆᐊᖕᖓᑐᓂᓂᑦ ᑎᑭᓪᓗᒋᑦ ᐳᕐᑐᓂᓖᑦ 12ᓂᒃ ᐱᑕᖃᕐᑎᓯᓂᒃᑯᑦ ᐃᓄᑐᐃᓐᓀᑦ ᐅᐸᒍᓐᓇᑕᖏᓐᓂᒃ ᐱᕕᒋᒋᐊᕐᑐᓗᒋᑦ ᐃᓕᓐᓂᐊᕈᑎᓂᒃ ᐅᖃᐅᓯᓕᕆᓂᕐᒧᓗ ᐱᕕᑦᓴᒋᐊᓪᓚᐅᒍᓐᓇᑐᓂᒃ.
6. ᐱᕙᓪᓕᑎᓗᒋᑦ ᐱᔨᑦᓯᕈᑏᑦ ᐃᓕᓐᓂᐊᑎᓂᒃ ᐃᑲᔪᕐᓯᒪᔭᐅᒍᑎᖃᕆᐊᓪᓚᕆᐊᓕᓐᓂᒃ ᐊᑦᔨᐅᖏᑦᑐᑯᑦ.
7. ᐱᔭᖃᕈᓐᓇᓯᓂᕐᓴᐅᓗᑎᒃ ᐳᕐᑐᓂᕐᓴᒋᐊᓪᓚᓂ ᐃᓕᓐᓂᐊᑕᒥᓂᒃ.
8. ᐱᑕᖃᕈᓐᓇᓯᑎᓗᒍ ᐃᓕᓐᓂᐊᕕᕐᔪᐊᖅ ᐃᓄᑐᐃᓐᓀᑦ ᓄᓇᖏᓐᓂ (ᓯᑕᒪᑦ ᐊᕕᑦᑐᓯᒪᑦᓱᑎᒃ ᐃᓄᑐᐃᓐᓀᑦ ᓄᓇᖏᑦ ᑲᓇᑕᒥ).
9. ᐊᑐᕐᑕᐅᑎᓗᒍ ᐃᓘᓐᓇᖏᓐᓅᓕᖓᓗᓂ ᐃᓄᑐᐃᓐᓀᑦ ᐅᖃᐅᓯᖓᑦ ᐊᑐᕐᓗᒍ ᐊᒃᓚᒍᓯᖅ.
10. ᖃᐅᔨᒍᓐᓇᓯᓂᖅ ᕿᒥᕐᕈᒍᓐᓇᓯᓂᕐᓗ ᖃᓄᑎᒋ ᐱᔭᖃᕐᒪᖔᕐᒥ.

ᐊᐱᕿᓗᒋᑦ ᐃᓕᓐᓂᐊᑏᑦ ᐅᖄᒍᑎᖃᖁᓗᒋᑦ ᑖᒃᑯᓂᖓ ᑐᖕᖓᕕᓪᓗᑐᖏᓐᓂᒃ ᐃᑲᔪᕐᑕᐅᓂᐅᑉ ᑮᓇᐅᔭᑎᒍᑦ ᐱᕙᓪᓕᑎᑦᓯᒍᑎᐅᑎᓪᓗᒋᑦ: ᐊᒃᓚᓯᒪᔪᕐᑕᖏᑦ, ᐱᑕᖃᕆᐊᖃᕐᓂᖏᑦ ᐊᒻᒪᓗ ᐱᑦᔪᑎᑕᖏᑦ ᐊᓯᑦᔨᓂᕐᒧᑦ ᐊᒻᒪᓗ ᖃᓄᖅ ᐱᕙᓪᓕᑎᑦᓯᓂᐊᕐᒪᖔᑕ ᑖᒃᑯᓂᖓ ᐱᖓᓱᓂᒃ ᐱᑦᔪᑎᒻᒪᕆᓐᓂᒃ.

ᐱᒐᓱᐊᕐᑎᐅᓂᕐᒧᑦ ᓱᒐᓱᐊᕈᑏᑦ

ᐱᕙᓪᓕᓇᕐᑐᑦ ᐱᕙᓪᓕᓇᖕᖏᑐᓪᓗ ᑖᒃᑯᓇᓂ ᐃᓄᐃᑦ ᐱᒍᓐᓇᐅᑎᖏᓐᓂ

ᐱᑐᑦᑎᓗᒍ ᑌᑦᓱᒪᓂ ᐊᑑᑎᓯᒪᔪᒧᑦ ᑕᒃᒐᓂ ᐊᕕᑦᑐᓯᒪᓂᖓᓂ ᐱᕕᑦᓴᒋᐊᓪᓓᑦ, ᐊᑐᕐᓗᒍ ᑖᑦᓱᒪ ᐃᓕᓐᓂᐊᒐᐅ ᐸᕐᓇᑕᐅᓯᒪᐅᑎᖓᑕ ᓱᓇᐅᓂᖓᓄᑦ ‘ ᐱᕐᖁᓯᑎᒍᑦ ᑭᓇᐅᓂᖅ’:

1. ᐃᓕᓐᓂᐊᑏᑦ ᖃᐅᔨᓴᖁᓗᒋᑦ ᐃᓚᒋᔭᐅᔪᒥᒃ ᐊᑑᑎᓯᒪᔪᓄᑦ ᓯᕗᒧᒋᐊᕐᑎᓯᓯᒪᔪᓂᒃ ᑭᖑᒧᒋᐊᕈᑎᐅᓯᒪᔪᓂᓪᓘᓃᑦ ᐱᒍᓐᓇᐅᑎᖏᓐᓂ ᓄᓇᖃᕐᖄᓯᒪᔪᑦ ᐃᓄᐃᑦ.
2. ᐊᒃᓚᖁᓗᒋᑦ ᑕᑭᔫᖕᖏᑐᓂᒃ ᐃᓱᒪᒋᔭᒥᓂᒃ ᒪᑯᓂᖓ ᐃᓚᖃᕐᑎᓗᒋᑦ ᑕᑯᔭᖏᑎᒍᑦ:
   1. ᑐᓴᕋᑦᓴᓂᐊᕈᑎᐅᔪᕕᓃᑦ ᐊᑑᑎᔪᕕᓃᓪᓗ ᑌᑦᓱᒪᓂ ᓱᓂᖃᕐᑎᓗᒍ ᐊᒻᒪᓗ ᐱᑦᔪᑎᐅᓯᒪᔪᑦ (ᐅᑦᑑᑎᒋᓗᒍ ᐊᖏᕐᕋᐅᓱᑎᓪᓘᑐᑦ ᐃᓕᓐᓂᐊᕖᑦ ᐱᐅᓯᕕᓂᖏᑦ ᓇᑉᐸᑐᕕᓂᖅ 1830ᐅᑎᓪᓗᒍ ᑲᓇᑕᒥ.)
   2. ᑖᓐᓈ ᑌᑦᓱᒪᓂ ᐊᑑᑎᔪᕕᓂᖅ ᐃᓄᐃᑦ ᐱᒍᓐᓇᐅᑎᖓ ᐱᓂᐊᕐᓂᖃᕈᑕᐅᑎᓪᓗᒍ ᐱᒍᑕᐅᓐᓂᕈᓇᑦᓴᑐᖅ ᓯᕗᒧᒋᐊᓚᕿᓂᕐᒥᒃ ᐅᑎᕆᐊᕐᑎᑕᐅᑐᐃᓐᓇᓂᕐᒥᓘᓐᓃᑦ ᑌᑦᓱᒪᓂ ᐊᑑᑎᓪᓗᑐᕐᓱᓂ? ᑐᑭᓯᓇᕐᓯᑎᓗᒍ.
   3. ᐅᓪᓗᒦ ᑌᑦᓱᒪᓂ ᐊᑑᑎᓚᐅᕐᓯᒪᔪᖅ ᐊᑑᑎᑦᓴᕋᔭᕐᒥᒍᓂ ᐅᓪᓗᒥ ᓯᕗᒧᒋᐊᕈᑎᐅᒐᔭᕐᖃ ᐅᑎᕆᐊᑐᐃᓐᓇᕈᑎᐅᒐᔭᕐᖃᓘᓐᓃᑦ? ᑐᑭᓯᓇᕐᓯᑎᓗᒍ.

ᐃᓱᓕᒍᑎᖏᑦ ᓱᒐᓱᐊᕈᑏᑦ

ᓄᓇᕐᔪᐊᒥ ᐊᑕᐅᓯᐅᖃᑎᒌᑦᑐᑦ ᐅᖃᒻᒪᕆᐅᑎᖓ ᐱᓪᓗᒋᑦ ᓄᓇᖃᕐᖄᓯᒪᔪᑦ ᐱᒍᓐᓇᐅᑎᖏᑦ ᐃᓄᐃᑦ

1. ᐃᓕᓐᓂᐊᑏᑦ ᕿᒥᕐᕈᖁᓗᒋᑦ ᐊᒃᓚᑕᐅᓯᒪᔪᓂᒃ ᓄᓇᕐᔪᐊᒥᐅᖑᖃᑎᒌᑦ ᐊᑕᐅᓯᐅᕕᒻᒥᓂ ᐅᖃᒻᒪᕆᐅᑎᒋᓯᒪᔭᖓᓂᒃ ᐱᓪᓗᒋᑦ ᐱᒍᓐᓇᐅᑎᖏᑦ ᓄᓇᖃᕐᖄᓯᒪᔪᑦ (UNDRIP) ᑭᓯᐊᒐᖃᕈᑕᐅᑦᓱᑎᒃ ᐱᕐᖁᓯᑎᒍᑦ ᑭᓇᐅᒍᑎᓂᒃ.
2. ᐃᓕᓐᓂᐊᑏᑦ ᐊᑐᐃᓐᓇᕈᕐᑎᖁᓗᒋᑦ ᐊᒥᓱᐃᓄᑦ ᑐᓴᕋᑦᓴᓂᐊᕐᑎᓄᑦ ᑐᓴᕐᑕᐅᑎᒐᔭᕐᑕᒥᓂᒃ ᖃᓄᖅ ᐊᑕᐅᓯᖅ ᐅᖓᑖᓄᓪᓘᓃᑦ ᑖᒃᑯᐊ ᐊᒃᓚᑕᐅᓯᒪᔪᑦ ᓇᓗᓀᕐᓯᒪᔭᖏᑦ ᑕᒃᒐᓂ UNDRIP ᒥ ᐊᑦᑐᐊᔪᑦ ᐊᒻᒪᓗ/ ᐅᕝᕙᓗᓘᓐᓃᑦ ᓱᕐᕃᓯᒪᐅᑎᖏᑦ ᐱᕐᖁᓯᒥᑎᒍᑦ ᑭᓇᐅᒍᑎᖏᓐᓂᒃ ᑖᒃᑯᐊ ᐃᓄᑐᐃᓐᓀᑦ ᐃᓄᐃᑦ.

ᐅᐃᒍᐊᖏᑦ ᓱᒐᓱᐊᕈᑎᑦ

1950 ᐊᕐᕌᒍᖏᓐᓂ, ᑲᓇᑕᐅᑉ ᑲᕙᒪᖓ ᐊᐅᓪᓛᑎᑦᓯᓚᐅᕐᑐᕕᓂᖅ ᐃᓄᑐᐃᓐᓇᓂᒃ ᐃᓚᒌᓂᒃ ᐊᐅᓱᐃᑦᑐᒧᑦ ᖃᐅᓱᐃᑦᑐᒧᓪᓗ ᐸᕐᓇᓯᒪᔭᖏᓐᓄᑦ ᐃᓚᒋᔭᐅᑎᓪᓗᒍ ᓄᐃᑕᒍᑎᒋᓂᐊᕐᓗᒋᑦ ᐅᖓᓯᑦᑐᒪᕆᒻᒥ ᑕᕐᕋᒥ. ᑕᒪᓐᓇ ᓱᕖᕈᑦᔨᓱᒋᑦ ᐊᐅᓪᓛᑎᑦᓯᓂᖅ ᓄᐃᑦᓯᓯᒪᔪᖅ ᐅᖁᒣᑦᑐᒪᕆᒻᒥᒃ ᑖᒃᑯᓄᖓ ᐃᓚᒌᓄᑦ. ᑕᕙᒪ ᐅᒃᒍᐊᕕᖃᕐᓯᒪᓕᕐᑐᖅ ᑖᒃᑯᓂᖓ ᐃᓄᓐᓂᒃ.

1. ᐃᓕᓐᓂᐊᑏᑦ ᑕᑯᓐᓇᑎᓪᓗᒋᑦ ᐅᑯᓂᖓ ᑕᕐᕋᓕᔮᒐᕐᓂᒃ ᐅᑦᑑᑎᒋᓗᒋᑦ ᓱᕐᕋᑕᐅᓯᒪᐅᑎᖏᓐᓄᑦ ᑕᒪᑦᓱᒪ ᐊᐅᓪᓛᑎᑕᐅᓂᕕᓂᐅᑉ.
   ᓱᓕᖕᖏᑐᑦ ᐱᓂᐊᕐᓂᕋᐅᑎᕕᓃᑦ (Trailer) 4:10 minutes
   https://www.youtube.com/watch?v=_mbyOYVpH7c
2. ᐃᓕᓐᓂᐊᑎᑦ ᕿᒥᕐᕈᑎᓪᓗᒋᑦ ᑕᕐᕋᓕᔮᒐᕐᒥᒃ ᐊᑑᑎᓯᒪᔭᖏᓐᓂᒃ ᒫᑕ ᑕᕐᕋᒥᐅᑉ (Martha of the North). ᐅᓂᒃᑲᐅᓯᓕᒃ ᒫᑕ ᕙᓚᐅᕆᑎᐅᑉ ᐃᓅᓯᖓᓂᒃ, ᑖᓐᓇ ᑕᓪᓕᒪᓂᒃ ᐅᑭᐅᖃᕐᓱᓂ ᐃᓚᒋᑦᓱᒋᑦ ᐃᓚᓂ, ᐊᐅᓪᓛᑎᑕᐅᓚᐅᕐᓯᒪᔪᑦ ᐃᓄᒃᔪᐊᒥᑦ ᖃᐅᓱᐃᑦᑐᒧᑦ. (Ellesmere Island).
   ᒫᑕ ᑕᕐᕋᒥᐅᖅ (Trailer + NFB documentary of 82 minutes)
   https://www.nfb.ca/film/martha_of_the_north.
3. ᐃᓕᓐᓂᐊᑏᑦ ᐅᖄᒍᑎᖃᖁᓗᒋᑦ ᖃᓄᖅ ᐱᕖᕈᑦᔭᐅᓱᑎᒃ ᐊᐅᓪᓛᑎᑕᐅᓂᖅ ᓱᕐᕋᕈᑎᐅᓯᒪᒻᒪᖔᑦ ᐃᓄᐃᑦ ᐱᐅᓯᖏᓐᓄᑦ ᓄᓇᓕᒻᒥᓂ.
4. ᑎᓕᓗᒋᑦ ᐃᓕᓐᓂᐊᑏᑦ ᐃᓱᒪᒐᓱᐊᕈᑎᖃᖁᓗᒋᑦ ᑖᒃᑯᓂᖓ ᐊᐱᕆᐅᑎᓂᒃ ᐊᒻᒪᓗ ᐊᒃᓚᓗᑎᒃ ᓱᔪᖃᕐᓂᒪᖔᑦ ᑖᒃᑯᓇᓂ ‘’ ᖃᐅᔨᒪᐅᓯᕐᑖᒥᓂ’’ ᐱᕖᕈᑦᔭᐅᓱᑎᒃ ᐊᐅᓪᓛᑎᑕᐅᓯᒪᔪᑦ ᑕᕐᕋᒥᑦ ᓯᕿᓂᕐᒧᑦ.
   1. ᓅᒋᐊᖃᑦᓴᓂᕈᕕᓪᓕ 1500 kilometers ᓂᒃ ᑕᕐᕋᒧᑦ?
   2. ᖃᓄᖅ ᐃᓂᖃᕈᓐᓇᓯᒐᔭᕐᕿᑦ ᕿᐅᔭᓇᕐᓂᓴᒻᒪᕆᐊᓗᒻᒥ ᐊᑯᓂᐅᓂᕐᓴᓗ ᕿᐅᔭᓇᕐᑑᓲᖑᑦᓱᓂ ᐊᕐᕌᒍᒥ?
   3. ᖃᓄᕐᓕ ᐃᑉᐱᓂᐊᕋᔭᕐᕿᑦ ᐱᓪᓗᒍ ᐆᒪᒐᓱᒋᐊᖃᕐᓂᖅ ᓄᓇᒥᑦ ᐱᔪᓄᑦ ᐊᒻᒪᓗ ᐃᑎᕐᓯᒪᕕᑦᓴᖃᕆᐊᖃᕐᓂᓗ?
   4. ᓱᓇᓂᒃ ᐱᔭᕐᓃᓕᐅᕋᔭᕐᕿᑦ ᐊᑐᑎᓕᓐᓂᖕᖑᕋᓱᐊᕐᓗᑎᑦ ᐊᑦᔨᐅᖏᑦᑐᒥᒃ ᐱᕐᖁᓯᕐᒥᒃ?
   5. ᖃᓄᖅ ᐊᑐᑎᓕᓂᖕᖑᕋᔭᕐᕿᑦ ᖃᓄᑎᒋᓗ ᐊᑐᑎᓕᓂᖕᖑᕋᓱᐊᕋᔭᕐᕿᑦ?