ᐃᓕᓐᓂᐊᕈᑎ ᐳᕐᑐᓂᓕᓐᓄᑦ: 7 - 12 / ᐱᖁᔨᒍᑕᐅᓯᒪᔪᖅ ᐱᕕᑦᓴᖃᕐᕕᐅᒋᐊᓕᓐᓄᑦ: ᑕᓪᓕᒪᑦ 60 ᑕᕐᓵᐲᑦ ᖃᕆᐊᒥ ᐃᓕᓐᓂᐊᓀᑦ
ᐱᖓᓱᑦ ᓄᓇᓕᒻᒥ ᓴᐳᒻᒥᒍᑎᑦ ᐊᒃᓇᓯᒪᔪᖁᑎᖏᑦ ᐊᑐᐃᓐᓇᐅᑎᑕᐅᔪᑦ ᓯᐊᒻᒪᑎᑦᓯᒍᑎᑦᓴᐅᑎᓪᓗᒋᑦ ᐅᖃᓕᒪᒍᑎᖃᕐᓂᒥᒃ ᑐᑭᓯᒪᓂᕐᑖᓂᕐᒥᓗ ᑖᑦᓱᒥᖓ ᓱᓇᐅᓂᖓᓂᒃ ᐱᕐᖁᓯᖅ ᐊᑐᕐᓱᒍ ᑭᓇᐅᓂᐅᑉ ᐊᒻᒪᓗ ᑲᔪᖏᕐᓭᒍᑎᐅᓗᓂ ᐃᓕᓐᓂᐊᑎᓂᒃ ᓇᒻᒥᓂᖅ ᑭᓇᐅᓂᕐᒥᓂᒃ ᓇᓗᓀᕐᓯᒍᓐᓇᖁᓪᓗᒋᑦ ᐃᓚᖃᕐᑎᓗᒍ ᐊᑦᔨᒌᖕᖏᑐᓂᒃ ᓴᐳᒻᒥᒍᑎᓂᒃ ᐃᓕᖓᔪᓂᒃ ᐃᓄᐃᑦ ᐱᒍᓐᓇᐅᑎᖏᓐᓄᑦ.
ᑕᑯᒋᐊᒥᒃ ᐊᑭᑐᔪᕐᔪᐊᕌᓗᓐᓂᒃ ᓂᖀᑦ ᐊᑭᖏᓐᓂᒃ ᐃᖃᓗᓐᓂ, ᓄᓇᕗᒻᒥ, ᐊᒻᒪᓗ ᐃᖁᒣᑦᓴᓂᖏᓐᓂᒃ ᐃᓄᑐᐃᓐᓀᑦ ᐃᓚᒌᑦ ᓂᕿᖃᕐᑎᓯᒐᓱᐊᕐᓂᒧᑦ, ᓖᓯ ᐸᐹᑦᓯ ᓄᐃᑦᓯᓯᒪᔪᖅ ᓂᕆᒃᑫᓂᖅ ᐃᓚᒃᑲᓂᒃ ᓚᔪᒥᒃ ᑌᑦᓱᒍ ᖃᕆᑕᐅᔭᒥ Facebookᑯᑦ 2012ᒥ. ᓂᕈᐊᕐᓯᒪᔪᖅ ᓇᐅᑐᐃᓐᓇᓄᑦ ᑕᑯᔭᐅᒍᓐᓇᕕᒻᒥᒃ ᐊᑕᐅᓯᖕᖑᑎᑦᓯᒍᒪᑦᓱᓂ ᐅᐸᑐᐃᓐᓇᖃᔭᕐᓇᖏᑦᑐᓂᒃ ᓄᓇᓕᓐᓂ ᑕᕐᕋᒥ. ᒫᓐᓇ ᑖᑦᓱᒥᖓ ᑲᒪᔪᑦ ᒫᓐᓇ ᐃᓚᐅᔪᖁᑎᖃᓕᕐᑐᑦ 20,000 ᓂᒃ ᐊᑐᐃᓐᓇᕈᕐᑎᕆᖃᑦᑕᓯᒪᓕᕐᑐᑦ ᖃᐅᔨᔭᐅᑎᑦᓯᒐᓱᐊᕈᑎᒥᓂᒃ ᐊᒻᒪᓗ ᐱᓕᐅᒥᑎᑦᓯᒐᓱᐊᕐᓱᑎᒃ ᐅᑎᕐᑎᓯᓂᕐᒥᒃ ‘’ ᓂᕿᑐᐃᓐᓇᓂᒃ’’- ᐱᕐᖁᓯᒥᑎᒍᑦ ᓂᕿᖏᑎᒎᕐᓂᓴᐅᓗᑎᒃ ᐱᓗᒋᑦ ᓂᕿᓂᑦ ᐊᑐᐃᓐᓇᐅᓴᐅᑎᒋᔪᓂᑦ ᑕᕐᕋᒥ. ᐸᐹᑦᓯᐅᑉ ᐊᐅᓚᑎᑕᖓ ᐱᔭᖃᕋᓱᐊᕐᑐᖅ ᐅᐊᕈᑎᒌᑦᓯᓂᕐᒥᒃ ᐅᓪᓗᒥᐅᔪᖅ ᐅᖃᓕᒪᖃᑦᑕᐅᑎᒍᓰᑦ ᐱᑐᑦᑎᓗᒋᑦ ᐃᓄᑐᐃᓐᓀᑦ ᐱᕐᖁᓯᖏᓐᓄᑦ, ᐊᑕᐅᓯᖕᖑᑎᓪᓗᒋᑦ ᑕᕐᕋᒥᐅᑦ ᐊᒻᒪᓗ ᑲᔪᖏᕐᓴᓗᒋᑦ ᓂᕿᑦᓴᖃᕐᑎᓯᔩᑦ ᓇᕝᕚᖁᓗᒋᑦ ᐊᕐᖁᑎᑦᓴᒥᒃ ᐱᑕᖃᕐᑎᓯᒍᓐᓇᐅᑎᒋᓂᐊᕐᓗᒍ ᓂᕿᓂᒃ ᐊᑭᑭᓐᓂᓴᐅᑎᓪᓗᒋᑦ.
